Ish-ministri i Drejtësisë, Ylli Manjani, i ftuar në emisionin “A show” në Syri Tv, deklaroi se kreu i PD-së, Lulzim Basha është sot një figurë e komprementuar tashmë.
Manjani thekson se PD ka një rënie të frikshme sot, teksa shumë persona opozitarë janë në gjendje konfuze.
“Ilir Meta ka dekretuar Qeverinë e Ramës e do shohim sërish të njëjtat gjëra. Në lidhje me zhvillimet në PD, Lulzim Basha ka qenë i mbështetur nga Berisha, edhe pse nuk bindte si njeri. Në bindjen e njerëzve, sot PD është partia më e pavotueshme në Shqipëri. Nëse zgjedhjet bëhen sot, ka një rënie të frikshme të PD-së.
Emri dhe figura e Bashës është kompromentuar, nuk drejton dot një opozitë. Ne prisnim nga Basha që të jetë lider i opozitës, por në opozitë sot ka njerëz që janë demoralizuar. Shqipëria sot keqqeveriset, jetojmë në kushte informaliteti, e informaliteti na jep bukë. Shoqëria është dekonstruktuar, për fat të keq”, deklaroi Manjani.
