Dita ditës po ndihet prania e stinës së vjeshtës në mëngjes e në mbrëmje, ndërsa gjatë orëve të mesditës hera herës kuptojmë që vera ende nuk është shkëputur plotësisht. Po kështu do të ndodhë edhe këtë javë që sapo ka nisur.
Sipas parashikimit nga Shërbimi Meteorologjik Ushtarak, moti përgjithësisht do të karakterizohet nga kthjellime e vranësira kalimtare kryesisht në zonat malore.
Era do të ketë drejtim kryesor juglindje-veriperëndim, ndërsa gjatë së premtes do të ketë kryesisht drejtim jugor. Valëzimi në dete pritet i forcës 2 dhe 3 ballë.
Temperaturat do të pësojnë luhatje.
