Kreu i LZHK-së, Dashamir Shehi ka qenë i ftuar mbrëmjen e sotme në emisionin “Aktualitet” në Fax News.
Dashamir Shehi ka pranuar takimin e parë mes atyre që njihen si aleatët e vegjël të Lulzim Bashës, për krijimin e një grupi parlamentar veccmas atij të PD-së, që sipas Shehit ka vetëm qëllimin për t’i dhënë mundësi për të folur më shumë atyre.
“Patëm takim informal për të diskutuar krijimin e një grupi parlamentar. Është diskutuar grupi i qendrës së djathtë. Një shans i mirë për ne që të kishim më shumë hapësire brenda parlamentit. Besoj se i bën mirë opozitës shqiptare. Opozita ka nevojë për zëra ndryshe, për debat të brendshëm. PD do bëjë mirë të na japë një shans. Duhet të mbyllet njëherë dita e parë e seancës së parë. Në seancën e parë, dytë, tretë do fillojnë të deklarohen grupet sicc e ka rregullorja. Një grup parlamentar është një instrument politik. Kjo na jep një shans për të pasur mundësi për të folur më shumë. Po na e dhanë do të bëjnë mirë, po s’na e dhanë pastaj do shohim mundësinë për të komunikuar me qytetarët që na kanë zgjedhur,” u shpreh Shehi.
I pyetur nga moderatori i emisionit nëse ka pasur një takim me kreun e opozitës, Lulzim Basha në lidhje me këtë temë, Shehi tha se jo, por të tjerët që janë pjesë e kësaj iniciative janë takuar me Bashën.
“Unë jo personalisht nuk e kam diskutuar me Bashën, por të tjerë që janë pjesë e grupit. Me zotërinjtë që mund të vijnë nga PD ne duam të krijojmë një grup parlamentar. Nuk kemi biseduar, por nuk përjashtohet mundësia për të folur në vazhdim. Unë jam i hapur për të folur me të gjithë. Nuk më mungon mua as studio… Unë gjykoj se opozita ka nevojë shumë zëra, t’i ketë të ndryshme. Të hapim një faqe të re. Fatkeqësisht herën e fundit rezultoi e pasukseshme”, deklaroi ai.
