Google ka mbyllur përkohësisht një numër të papërcaktuar të llogarive të postës elektronike të qeverisë afgane, nga frika për gjurmët e lëna nga ish zyrtarët dhe partnerët e tyre ndërkombëtarë, raporton Reuters.
Google nuk konfirmoi veprimin, por tha se kompania po monitoronte situatën në Afganistan dhe ” po ndërmerrte veprime të përkohshme për të siguruar llogaritë përkatëse”.
Një punonjës i ish -qeverisë afgane i tha Reuters se talebanët po kërkojnë të marrin emailet e ish -zyrtarëve dhe i kishte kërkuar atij të ruante të dhënat e mbajtura në serverët e ministrisë për të cilën ai punonte.
Ekziston frika se bazat e të dhënave biometrike mund të shfrytëzohen nga sundimtarët e rinj talebanë për të gjuajtur armiqtë e tyre.
