Sulmuesi shqiptar, Giacomo Vrioni vendosi të largohej nga Juventus në këtë merkato, teksa kaloi në formën e huazimit tek skuadra austriake e ËSG Tirol, për të patur më shumë minuta në këmbë.
Vrioni, së fundmi ka dhënë një intervistë për “Tuttosport”, ku foli për lëvizjen e bërë në merkato, si dhe ka treguar një prapaskenë me Cristiano Ronaldon, gjatë kohës kur të dy ishin pjesë e Juventusit.
Kalimi te Tirol? Të provoja një përvojë në një kampionat jashtë Italisë, ka qenë gjithmonë ëndërr e imja. Kështu kur Juventusi dhe agjenti im ma dhanë këtë mundësi, unë vendosa menjëherë. Unë jam gjithnjë i gëzuar me zgjedhjet e mia. Këtu gjeta një ekip të shkëlqyer dhe një klub të organizuar shumë mirë.
Ronaldo? Gjëja e parë që më vjen në mendje për të, përveç se është perfekt në gjithçka, është edhe profesionalizmi i tij. Takova një kampion të vërtetë. Cristiano më mori njëherë mënjanë dhe më tha diçka shumë të bukur. Do e mbaj gjithmonë në zemër. Nuk do e harroj kurrë. Do e mbaj si sekret. Nuk mund ta them, nuk ia kam thënë askujt, madje as miqve të ngushtë dhe kurrë nuk do ia them njeriu. Shokët e skuadrës së Tirol, më bëjnë shumë pyetje në lidhje me Juventusin. Jo vetëm për Ronaldon. Mbrojtësit janë të intriguar nga Chiellini, De Ligt dhe Bonucci.”, u shpreh Vrioni.
