Kryeministri Edi Rama u shpreh në studion e “Opinion” se askush nuk e ka ditur se kush do të jenë ministra. Rama pohoi se madje edhe vetë ata që u propozuan për postet ministrore nuk dinin gjë se do të ishin në Qeveri.
“Diskutimet bëhen kur ka koalicione, jo kur jemi një parti që ka shumicën qeverisëse. Nuk ka s´dua, nuk ka zgjedhje, ata njerëz janë të mandatuar dhe nuk mund të refuzojnë, sepse kanë marrë përsipër të përfaqësojnë shumicën”, tha Rama. Sipas tij, nuk ka pasur asnjë diskutim apo debat lidhur me caktimin e ministrave.
Në këtë mënyrë, Rama ka konfirmuar atë që shumë prej ministrave shprehën publikisht se nuk ishin në dijeni se do të ishin pjesë e Qeverisë.
