Duket se Julian Nagelsmann ka rigjetur formulën e duhur për ta bërë Bayernin e Mynihut të shkëlqejë. Pas tri fitoreve radhazi mes kampionatit, kupës dhe Superkupës, bavarezët marrin 3 pikë të tjera duke dominuar kësaj radhe Hertha Berlin, shkruan Ora News.
Heroi i ndeshjes padyshim që është ai si gjithmonë, Robert Lewandowski me triplete.
Në “Allianz Arena”, Thomas Muller që në 5’ i dha drejtim ndeshjesdhe në 34’ ishte i përhershmi Robert Lewandowski që dyfishoi rezultatin.
Edhe fraksioni i dytë i ndeshjes foli vetëm për Bayernin që arriti të shënonte me Musialan në 50’ ndërsa bomber polak, Lewandowski shënoi edhe golin e dytë personal. Në minutat e fundit pati hapësirë edhe për një tjetër gol për polakun që bën tripletë dhe shton rekordet e tij personale ndërsa Bayerni I bashkohet kryesuesve në renditje.
