Gazetari afgan Bilal Sarwari filloi karrierën e tij në vitin 2001, duke transmetuar për amerikanët në lidhje me bombardimet në Afganistan dhe “rënien” e mëvonshme të talebanëve.
Nga frika e hakmarrjes, ai dhe familja e tij u evakuuan në Katar së bashku me më shumë se 150 persona, përfshirë gazetarë dhe artistë të tjerë, disa ditë para bombardimit vdekjeprurës të Shtetit Islamik të enjten jashtë aeroportit të Kabulit.
“Asnjëherë në njëzet vjet nuk e kisha imagjinuar që Kabuli do të binte përsëri në duart e grupit militant islamik. Përsonalisht për mua ishin gati 20 vite që unë “varrosja” jetën time, endërrat e mia, shoqërinë time, shtëpinë time. Ishte ndoshta udhëtimi më i dhimbshëm i jetës sime. Edhe në ëndrrat e mia më të këqija nuk besoja se kjo do të ndodhte, se ne papritmas do të detyroheshim të largoheshim. Të gjithë ne në këtë aeroplan, nuk ishim atje për të raportuar, këtë herë ne ishim ata që duhej të iknim.”-tha gazetari.
Sarwari, i cili u largua nga Afganistani kur ishte fëmijë, gjatë luftës civile të viteve 1990, tha se ai humbi kontaktin me tre miq jashtë aeroportit me familjet e tyre të enjten.
“Më thoshin që të gjithë prisnin në kanalin e ujërave të zeza dhe kjo tregon se sa të këqija janë kushtet që për t’u larguar, ndërsa kur po flisja me ta, pati një shpërthim të papritur.”- tha Sarwai.
Vlen të theksohet se SHBA ka thënë se ditët e ardhshme të operacionit, për të evakuuar më shumë se 100,000 njerëz nga Afganistani ka të ngjarë të jenë më të rrezikshmet.
Burimi: www.newsbomb.gr
