Pas hapit fals në transfertën me Freiburg, pritej një reagim nga Borussia Dortmund në “Signal Iduna Park” përballë tifozëve të skuadrës dhe ajo erdhi por me drithërima, shkruan Ora News.
Verdhezinjtë nuk e paten të lehtë ndaj Hoffenheim me të cilët fituan në mënyrë dramatike dhe ku gjithçka ndodhi në pjesën e dytë. Fraksioni i parë i ndeshjes foli për vendasit dhe vetëm në pjesën e dytë arriti të gjente avantazhin me të riyn Reyna në 49’ pas një asisti të Bellingham.
Hoffenheim vuri në vështirësi skuadrën e Rose me një gol të shpejtë në 61’ me Baumgartner ndërsa ishte sërish Bellingham që arriti në 69’ t’i jepte avantazhin Dortmundit. Kur sfida po mbyllej, sërish barazojnë në 90’ miqtë me Dabbur por goli nuk i demoralizoi vendasit që në aksionin tjetër të menjëhershëm me Haaland shënuan golin e fitores.
