Një 31-vjeçar është arrestuar nga policia pasi akuzohet se ka abuzuar seksualisht me dhunë me një vajzë 26 vjeçe.
Burime zyrtare nga policia e Tiranës bënë me dije këtë të Shtunë se nga specialistët për Hetimin e Krimit në Komisariatin e Policisë Nr. 5 u bë arrestimi në flagrancë i shtetasit A.Sh., 31 vjeç.
Ky person, shtuan të njëjtat burime, ka kryer marrëdhënie seksuale me dhunë me një shtetase 26-vjeçare.
Materialet i kaluan Prokurorisë së Rrethit Gjyqësor Tiranë për veprime të mëtejshme, përfundon njoftimi i policisë, pa dhënë të tjera detaje rreth ngjarjes.
