Një grua nga Tenesi në SHBA u mbyt në ujërat që përmbytën lagjen ku jetonte, pikërisht ndërsa ishte duke transmetuar drejtpërdrejt këtë situatë, në rrjetin social Facebook.
Vdekja ndodhi gjatë përmbytjeve katastrofike në Tennessee që kanë lënë të paktën 22 persona të vdekur.
Linda Almond doli drejtpërdrejt në Facebook rreth orës 10:15 të mëngjesit të së Shtunës, duke treguar situatën vdekjeprurëse që po zhvillohej rreth shtëpisë së saj në Waverly, Tennessee, publikoi sot (e martë) The New York Times.
Videoja një minutëshe do të ishte fjala e saj e fundit drejtuar botës para se uji ta merrte me vete:
“Epo, nëse dikush më sheh në Facebook Live, ne jemi duke u përmbytur tani në Waverly, Tennessee. Me të vërtetë e frikshme”, thotë me zë të dridhur Almond në video.
Ajo tregon ujin ngjyrë kafe të mbushur me mbeturina që përfshin shtëpinë e saj. Ajo pastaj ndez një cigare.
“Ua. Ua”, thotë në një moment, pasi diçka duket se ka ndryshuar papritur.
Unë mendoj se diçka sapo goditi anën e shtëpisë,” thotë një zë mashkullor jashtë kamerës, ka të ngjarë djali i saj.
“Kjo është me të vërtetë e frikshme,” thotë Almond, ndërsa tingujt e ujit që vërshon mund të dëgjohen.
“Oh Zot”, thotë ajo para se të ndalet video.
