Një tjetër shtetas shqiptar ka rënë në prangat e policisë angleze.36-vjeçari i identifikuar si Fasli Lesi është kapur duke kultivuar kanabis, raportojnë mediat britanike.
Ai punonte në një fermë kanabisi në Northampton dhe para autoriteteve ka deklaruar se e bënte këtë punë sepse u kishte borxh trafikantëve. Ai u dënua me 16 muaj burg nga një gjykatë britanike.
“Ju jeni një shtetas shqiptar që jetonit në Greqi. Ju keni hyrë në këtë vend ilegalisht me premtimin e një pune. Ju po kërkoni të siguroni familjen tuaj, në veçanti djalin tuaj i cili nuk është në gjendje të mirë. Ju thanë që të kultivoni kanabisin për të shlyer borxhin prej 10,000 paundësh ndaj trafikantëve – ju menduat se nuk ju kishte mbetur asnjë mundësi tjetër përveçse të pajtoheshit me këtë”, tha gjykatësja Rebeça Crane gjatë seancës gjyqësore.
