Klevis Bebeziqi, mesfushori i akademisë së Vllaznisë ka firmosur një kontratë 2 vjeçare me Olimpija Ljubjanën në Slloveni. Talenti kuqeblu prej kohësh ishte në monitorimin e klubit europian, që i ka besuar për dy sezonet e ardhshme.
Pikërisht sot në 24 gusht, Bebeziqi feston 18 vjetorin e lindjes, teksa për djaloshin e talentuar ka dy gëzime në një ditë. Ljubjana, skuadra ku më parë është aktivizuar edhe Endri Çekiçi, kërkon elementë të rinj për t’i rishitur më pas në klube të tjera.
Edhe pse në moshë më të vogël, mesfushori me tipare sulmuese është pjesë e kombëtares U-20 të Shqipërisë, teksa ka qenë në të gjitha ekipet zinxhir të kuqezinjve.
