Jennifer Lopez duket aq e re dhe aq seksi sa e kanë të gjitha vajzat e reja zili. Por së fundmi është mësuar se kush është sekreti i saj për të pasur një trup aq të bukur.
Duke bërë ushtrime, nën tingujt e muzikës së saj, me sa duket.
“Një gjë me të cilën ajo duhet të përballet është se unë jam po ashtu adhuruese e muzikës së saj, prandaj i lëshoj këngët e saj vazhdimisht gjatë ushtrimeve tona”, ka treguar trajnerja e saj, Tracy Anderson.
Ajo vazhdimisht i cakton Lopezit ushtrime të vështira. “Por, ajo nuk është prej atyre që ankohen”, thotë Anderson.
“Ne punojmë bashkë prej më shumë se tre vjet dhe ajo e di se, nëse vazhdon me të njëjtin ritëm, gjithçka do të ketë sukses. Prandaj rezultatet e saj janë të dukshme tani”, thotë Anderson.
