Një aksident me vdekje ka ndodhur mbrëmjen e sotme në qytetin e Shkodrës. Një makinë ka përplasur me një person duke i shkaktuar vdekjen.
Sipas informacioneve të para, ngjarja ka ndodhur në zonën e Vrakës, ku viktima ishte duke lëvizur me biçikletë, kur është përplasur nga një makinë tip “Benz E Class”.
Nuk bëhet i ditur identiteti dhe mosha e viktimës, por në vendngjarje ndodhet policia dhe ka nisur hetimet për të zbardhur aksidentin.
