Një burrë është dënuar me tre vite burgim të përjetshëm pasi përplasi 7 nxënës të një shkolle të mesme, ndërsa po ecte në gjendje të dehur me kamionin e tij.
Max Townsend, 58 vjeç, u largua nga vendi i ngjarjes pasi goditi një grup prej shtatë nxënësish të Shkollës së Mesme Moore që kishin dalë për të vrapuar në periferi të Oklahoma City, më 3 shkurt 2020.
Tre nga studentët-18-vjeçari Kolby Crum, 17-vjeçarja Rachel Freeman dhe 16-vjeçarja Yuridia Martinez-fatkeqësisht vdiqën nga plagët e marra si pasojë e përplasjes.
Studentët e tjerë që u goditën pësuan disa dëmtime të mëdha dhe kaluan javë në rehabilitim.
Në kohën e përplasjes, Townsend mësohet se po ecte me shpejtësi 127 km/ orë në një zonë 40 km/ orë dhe u zbulua se ishte nën ndikimin e alkoolit dhe THC.
Megjithatë, avokati mbrojtës i Townsend pretendoi se ai humbi vetëdijen para se të ndodhte përplasja, sepse ishte “duke u mbytur nga një Red Bull”.
