Përmbytet gomonia, vdesin 39 emigrantë, shpëton vetëm 1 grua

Të paktën 39 emigrantë humbën jetën pasi gomonja e tyre u përmbyt në Ishujt Kanarie të Spanjës, njoftuan mediat lokale.

Autoritetet spanjolle thanë se gomonja, e cila mbante 40 persona dhe po përpiqej të arrinte në Ishujt Kanarie nga bregdeti i Afrikës Veriore, u gjet e përmbytur në Oqeanin Atlantik, njoftoi agjencia spanjolle e lajmeve EFE. E mbijetuara e vetme, një emigrante 30-vjeçare, u dërgua në spitalin më të afërt me helikopter. Kohët e fundit, ka pasur një rritje të madhe të migrimit të parregullt nga brigjet e Afrikës Veriore në Ishujt Kanarie.

LEXO EDHE  Koronavirusi në Itali/ 51 v*ktima dhe 4578 raste të reja në 24 orët e fundit

Mbi 230 emigrantë të parregullt kanë humbur jetën këtë vit në rrugën e rrezikshme nga Afrika në Ishujt Kanarie.