Pamjet janë të automjetit tip “Fiat Punto”, brenda së cilit një i ri u gjet i pajtetë mëngjesin e kësaj të Shtune në aksin Vlorë-Babicë. Në video, shihet makina që largohet me një karrotrec nga vendngjarja.
Policia njoftoi mëngjesin e kësaj të Shtunë se një ri rreth 25 vjeç, është gjetur pa shenja jete brenda automjetit. Dyshimet janë se është ekzekutuar me armë zjarri.
Viktima është ende i paidentifikuar, ndërsa mësohet se me vete apo në automjet nuk janë gjetur dokumenta identifikimi. Rrethanat e krimit mbeten po ashtu mister.
Burime policore bëjnë me dije se kanë qenë kalimtarë që kanë pikasur të riun e pajetë brenda makinës – që rezulton në pronësi të një shtetaseje nga Tirana – dhe kanë njoftuar autoritetet që kanë shkuar në vendngjarje.
Sipas burimeve policore nga vendngjarja, i riu është qëlluar me tre plumba në kokë.
“Rreth orës 07:35, në aksin rrugor Vlorë-Babicë, në rrethanave ende të paqarta, është gjetur pa shenja jete brenda në automjet, një shtetas ende i paidentifikuar, rreth 25 vjeç, i cili dyshohet se ka humbur jetën nga përdorimi i armës së zjarrit”, njoftoi policia.
“Shërbimet e Policisë kanë mbërritur menjëherë në vendngjarje, ndërsa rupi hetimor nën drejtimin e Prokurorisë po vijojnë punën për zbardhjen e plotë të rrethanave të ngjarjes”, shtuan të njëjtat burime.
