Situata e zjarrit në Maqedoninë e Veriut vijon të jetë shqetësuese. Autoritetet përkatëse kanë bërë me dije se në vend janë aktive 4 zjarre, në fshatrat Rahoviç dhe Bukoviç në komunën Saraj. Mediat vendase shkruajnë se, qendra për Menaxhimin e Krizave u njoftua se ende vijon të digjet një sipërfaqe pyjore me bimësi të ulëta.
Ndërkohë që vatra aktive ka edhe në disa fshate të tjera, por që nuk është me rrezik. Në një tjetër fshat zjarri është riaktivizuar, ndërkohë që në terren vijon pa ndalur puna e zjarrëfikësve.
Zjarri në Maqedoninë e Veriut ka nisur prej javësh, ndërsa situata është qetësuar në krahasim me fillimin.
