Një adoleshent është plagosur me thikë këtë të Premte në vendin e quajtur “Plazhi i ri” në Sarandë. I lënduari është transportuar drejt spitalit të Traumës në Tiranë dhe raportohet se ndodhet jashtë rrezikut për jetën. Autori, bashkëmoshatar i të plagosurit, është arrestuar.
“O.H., 16 vjeç, banues në Sarandë, në vendin e quajtur ‘Plazhi i ri’, në lagjen nr.3, pas një konflikti të çastit për motive të dobëta, është konfliktuar fizikisht, e me pas ka plagosur me një mjet të mprehtë (thikë) bashkëmoshatarin e tij, shtetasin e mitur me iniciale B.A., 16 vjeç. Ky i fundit ndodhet në spitalin e Traumës Tiranë, jashtë rrezikut për jetën”, njoftoi policia.
Ndaj autorit rëndon akuza për veprën penale “Vrasje me dashje”, e mbetur në tentativë.
