Enger Muça, 26 vjeç, i arrestuari për veprën penale “Armëmbajtje pa leje”, rezulton të ketë në pronësi një kompani ndërtimi.
Sipas të dhënave në Qendrën Kombëtar të Biznesit, i riu është pronari i “GDM CONSTRUCTION” – i regjistruar si biznes i tipit SH.P.K., me zyra qendrore në Manëz të Durrësit.
Enger Muça rezulton pronari i vetëm i biznesit të themeluar më 30 Janar të këtij viti me objekt: Projektime, ndërtime dhe lidhje kontrata bashkëpunimi me shoqëri të tjera dhe nënkontraktore si brenda dhe jashtë vendit ne fushën e ndërtimeve civile, pallateve dhe banesave private mbi 5-kate, rikonstruksione të ndryshme, blerje, shitje, dhënie me qira të objekteve civile për banim dhe shërbime si dhe të objekteve industriale, etj…
Arrestimi
Policia e Durrësit njoftoi këtë të Premte se Muça u arrestua teksa lëvizte me një automjet tip “Range Rover”. Në një çantë që kishte me vete, sipas bluve, u gjet arma e zjarrit pa leje që kishte me vete.
“Shërbimet e Komisariatit të Policisë Durrës në bashkëpunim me Forcën e Posaçme Operacionale në DVP Durrës, në bazë të informacioneve të mara në rrugë operative, arrestuan në flagrancë shtetasin Enger Muça, 26 vjeç, banues në Manzë-Durrës. Shërbimet e Policisë në aksin rrugor Manëz-Maminas, kanë ndaluar automjetin tip ‘Range Rover’, me të cilën shtetasi Enger Muça po qarkullonte. Gjatë kontrollit të ushtruar në çantën e dorës, iu gjetën dhe sekuestruan në cilësinë e provës materiale, 1 armë zjarri pistoletë dhe 2 krëhëra me 15 fishekë”, njoftoi policia.
