Autostrada Tiranë-Durrës është bllokuar totalisht, për shkak të trafikut të madh. Siç shihet dhe në fotot e mbërritura në redaksinë e Boldnews.al autostrada është e bllokuar nga makinat.
Shkak është bërë numri i lartë i mjeteve që po kthehen nga jugu. Por ajo që bën më shumë përshtypje është mungesa totale e shtetit në rrugë, kur qytetarët kanë nevojë më shumë se kurrë për praninë e tyre.
Në redaksinë e Boldnews.al kanë ardhur disa ankesa të cilat theksojnë se shkak për trafikun e madh nuk janë vetëm mjetet e shumta që lëvizin në rrugë, por dhe mungesa e policisë për mbarëvajtjen e trafikut, duke e kthyer autostradën në një kaos të vërtetë.
Gjithashtu qytetarët theksojnë se trafiku nis që në dalje të Durrësit për të vijuar deri në hyrje të Tiranës, ç’ka tregon gjendjen e tmerrshme në të cilën ndodhet personat që janë duke udhëtuar drejt kryeqytetit, të cilëve tashmë ju duhet të presin me orë të tëra, deri sa rruga të hapet vetë siç ndodh gjithmonë në vendin tonë.
Kujtojmë që autostrada Tiranë-Durrës është rruga më e ngarkuar gjatë gjithë sezonit të verës, por edhe në dimër për shkak të lëvizjeve të mëdha, por si gjithmonë asnjëherë nuk ëhstë marrë asnjë masë nga ana e policisë, e cila duket se misionin e saj të vetëm në rrugë ka të gjobisë qytetarët, dhe jo tu vijë në ndihmë atyre.
