Një nga deputetët e rinj të PD-së të dalë nga zgjedhjet e 25 prilit në Vlorë, Arbi Agalliu ka komentuar zhvillimet e fundit brenda politike, duke theksuar se lideri historik Sali Berisha është historia.
‘Si një individ që ka vendosur të ngrejë jetën e tij në Shqipëri, si një prind i dy fëmijëve, padyshim që më nxit për të bërë aq sa mundem aq sa mund në këtë sistem për të kthyer shpresën”, shprehet Agalliu.
Qasjen e PD-së ndaj të rinjve, Agalliu e sheh si pozitive e po ashtu cilëson dhe ndryshimet brenda partisë.
”Po të vësh re listat e PD-në në këto zgjedhje ka pasur një përzierje të personave me eksperiencë politike dhe individësh si unë, të rinj që nuk kanë qenë kurrë pjesë e politikës, por thjesht kanë kontribuar në mënyrë vullnetare brenda PD-së, Si çdo forcë politike ka uljet dhe ngritjet e saj. Në fund të ditës, partia vetëm forcohet nga kjo. Gjithë procesi është shumë i rëndësishëm dhe për hapjen. Hapja dhe gjithëpërfshirja është shumë e rëndësishme për partinë”,-thotë ai”.
Kur pyetet për Sali Berishën, Agallia thotë se ardhmja nuk duhet shkruar duke harruar të shkuarën. “Partitë janë bërë për të bashkuar njerëzit e ideologjive të njëjta. Nëse nga partitë largojmë njerëz, atëherë humbasim nocionin e Partisë. Sali Berisha, është pjesë e historisë politike, duam ne s’duam ne. Ka kontribut të jashtëzakonshëm për PD”.
