Nga Boldnews.al
Një nga kontratat më të debatuara publike ka qenë dhënia e miliona eurove kompanisë ECO Tirana, me gjasmë për pastrimin e qendrës së kryeqytetit. Një kontratë që mbivendoset me zonat e tjera, për të cilat kryeqytetasit paguajnë rreth 30 milionë euro.
Por, Lali Eri krijoi një kompani gjysmë shtetërore, ku Bashkia e Tiranës mori 51 % të aksioneve dhe individë tepër të dyshimtë italianë kanë 49% të aksioneve. Por, italianët po i përdorin këto aksione për të përfituar miliona euro, duke menaxhuar një kompani që mbiu nga hiçi në Shqipëri, por ish-drejtuesit dhe drejtuesit italianë janë hetuar, proceduar dhe arrestuar në Itali dhe Spanjë për pjesëmarrje në grupe kriminale dhe klane mafioze. Po në Shqipëri, a po hetohen apo procedohen?!
Deri më tani, SPAK apo prokuroritë e rretheve nuk kanë nisur ndonjë hetim të mundshëm. Dhe, në këtë situatë, kjo kompani ka vijuar në administrimin e një buxheti që do ta kishin zili edhe bashkitë dytësore. Sipas dokumenteve që disponon BoldNews.al, kjo kompani ka hapur tre tendera të njëpasnjëshëm, me vlerë totale plot 3 milionë euro. Dhe, të gjitha me gjasme pastrimin e Tiranës, kur në fakt Lali Eri sapo ka nënshkruar kontratat me Abazët apo Fushat.
Në dokumentet që disponon BoldNews.al, ECO Tirana ka hapur tre tendera. I pari është me objekt “blerje kamione me tre akse dhe me dy akse” me fond plot 111,580,560.00 Lekë, mbi 1 milionë euro. Tenderi po zhvillohet në muajin gusht, ku e gjithë vëmendja e njerëzve është te pushimet.
Tenderi i dytë është me objekt “blerje kazanë 1700 litra punim metali me kapak”. Në fakt, vetëm disa muaj më parë, ECO Tirana hapi një tender me të njëjtin objekt. Fondi është 91,500,000.00 lekë, ose rreth 1 milionë euro. Tenderi i tretë është “sistem i mbledhjes së mbeturinave, teknologjia e re”.
Fondi për këtë tender është 91,555,426.00 lekë, sërish me një vlerë afër 1 milionë euro. Në të tria rastet, ECO Tirana nuk ka treguar burimin e financimit! Por, ne shumë gjasa duhet të jenë të taksave të bashkisë, e parashikuar në kontratën e “ECO Tirana”, me afat 84 vite dhe përfundon më 31 dhjetor 2100. Mësohet se, nga bilancet e kësaj kompanie, Bashkia e Tiranës ka paguar dyfishin e vlerës së parashikuar, ndërkohë që banorët e kryeqytetit paguajnë disa hërë për pastrimin, njëhërë Abazët&Fushat dhe njëherë Lali Erin&italianët të dyshuar për lidhje me klanet mafioze.
