Ministrja e Jashtme, Olta Xhaçka, përmes një postimi në Twitter njoftoi se Shqipëria është gati të presë qindra afganë dhe se do tu qëndrojmë në krah aleatëve për t’i strehuar dhe për të garantuar sigurine e tyre.
“Shqipëria është gati të presë qindra afganë. Ne do jemi krahë për krahë me aleatët tanë për t’i strehuar dhe granatuar sigurine e tyre”, shkruan Xhaçka.
Reagimi i Xhaçkës vjen 24 orë, pasi Kryeministri Edi Rama, pohoi bisedimet me SHBA lidhur me strehimin e afganëve, jeta e të cilëve nuk ishte e sigurtë nga talebanët, sikundër tha se Shqipëria do t´i pranojë ato.
Ndërkohë po dje në rrjetet sociale u publikuan detaje lidhur me numrin e afganëve që mund të strehohen në Shqipëri, si dhe zonat ku ata mund të akomodohen.
Sipas avokatit Altin Goxhaj, në Shqipëri do të strehohen 7500 afganë dhe ato do të vendosen në Cërrik, Kavajë (Golem) dhe Pukë, 2500 në secilën bashki.
Ndërkohë të habit gadishmëria e ministres së Jashtme e cila shprehet se Shqipëria është gati për t´i pritur qindra afganët e parë, pasi deri më tani nga Qeveria nuk janë dhënë detaje as se ku do të akomodohen as si do të akomodohen.
Dhe nëse në rastin e afganëve, Qeveria bëhet gati për 24 orë, të paktën nga deklarimi publik i Kryeministrit, të duket habi fakti se prej pothuajse 2 vitesh banorët e prekur nga tërmeti i 26 nëntorit ose rrinë në çadra ose janë akomoduar në banesa me qera.
