Rreth 40 mijë shqiptarë të Kosovës raportohen se kanë hyrë përmes pikës së kalimit kufitar të Morinës në Shqipëri për të kaluar pushimet.
Kjo ka bërë që fluksi i lëvizjes në aksin Morinë-Kukës të jetë shumë i lartë, ndërsa janë krijuar rradhë të gjata automjetesh.
Policia kufitare e Morinit për të shmangur radhët e gjata dhe vonesat për shkak të fluksit ka punuar me tetë sportele e procedurë të përshpejtuar.
Duket se pushuesit nga Kosova kanë zgjedhur bregdetin shqiptar për të pushuar, ndërkohë që qeveria Kurti ka paralajmëruar një ashpërsim të masave anti-Covid për të vënë nën kontroll pandeminë.