Një aksident është regjistruar ditën e sotme në lagjen “Isa Boletini” në Vlorë.
Ngjarja ka ndodhur rreth orës 16:20, ndërsa mësohet se shkaktar i aksidentit është një 16-vjeçar, që kishte marrë makinën pa lejen e prindërve.
I mituri ka humbur kontrollin dhe është përplasur me vitrinën e një dyqani, e si pasojë ka mbetur e plagosur shtetasa E. A., 37 vjeçe, e cila ndodhet në spital, jashtë rrezikut për jetën.
Gjithashtu i dëmtuar ka mbetur edhe drejtuesi i makinës, i cili pas marrjes së ndihmës mjeksore, do të shoqërohet në ambientet e Komisariatin e Vlorës.
Njoftimi i policisë:
Vlorë/Informacion paraprak
Më datë 14.08.2021, rreth orës 16:20, në lagjen “Isa Boletini”, Vlorë, një 16-vjeçar, i cili kishte marrë automjetin pa lejen e prindërve, ka humbur kontrollin dhe është përplasur me vitrinën e një dyqani, për pasojë është dëmtuar shtetasja me inicale E. A., 37 vjeçe, e cila ndodhet në spital, jashtë rrezikut për jetën.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
