Nënkryetari i LSI-së, Petrit Vasili, shprehu sërisht shqetësimin për rritjen e rasteve të reja nga Covid-19.
Në 24 orët e fundit, Ministria e Shëndetësisë raportoi për 379 raste të reja dhe për Vasilin qeveria duhet që të marrë masa menjëherë.
“Qeveri shkundu, po të ikën situata nga duart me Covid-in. Dje paralajmërova qartë se treguesit epidemiologjike flasin qartë për një përshkallëzim të rrezikshëm të Covid në Shqipëri.
Sot 379 raste të reja me Covid. Rritja është plot 37% nga dje në sot. Rritja vazhdon fort dhe pa u ndalur”, shkruan Vasili në facebook.
Postimi i plotë
Qeveri shkundu, po të ikën situata nga duart me Covid-in. Dje paralajmërova qartë se treguesit epidemiologjike flasin qartë për një përshkallëzim të rrezikshëm të Covid në Shqipëri. Sot 379 raste të reja me Covid. Rritja është plot 37% nga dje në sot. Rritja vazhdon fort dhe pa u ndalur.
Vjet në këtë kohë kishim vetëm rreth 140 raste dhe situata në vjeshtë dimër precipitoi në mënyrë katastrofike.
Sigurisht këta vazhdojnë me strategjinë e ligë dhe vrastare të “lënies në rënie të lirë të ecurisë së pandemisë”.
Thërrisni profesionistet. Boll bëtë sikur nuk dëgjoni. Mjaft më me arrogancë.
Mjaft më me budalleqet e porositura politike të Komitetit të Ekspertëve, që i shkaktuan aq dëme të rënda shëndetit të shqiptarëve.
