Një drejtues mjeti u ndalua nga Policia e Durrësit pas një aksidenti ku të plagosur mbetën dy efektivë policie.
Mësohet se automjeti ka përplasur një patrullë të Forcës së Posaçme “Shqiponja” që ishte në shërbim.
Aksidenti ka ndodhur rreth orës 12:10, në lagjen nr.4, Durrës.
Si pasojë e përplasjes janë lënduar punonjësit e policisë, K. H., dhe A. K.
Të lënduarit bëhet e ditur janë dërguar në spital nën kujdesin e mjekëve. Drejtuesi i automjetit po shoqërohet në ambientet e Policisë, për veprime të mëtejshme.
