Pas tre muajsh hetime, Policia e Dibrës finalizoi operacionin e koduar “Eklipsi” kundër drogës.
Policia arrestoi 4 persona që shpërndanin kokainë dhe kanabis dhe ka shpallur në kërkim një tjetër.
Sipas një njoftimi zyrtar, të arrestuarit janë D. K, 21 vjeç, E.N, 24 vjeç, K.K, 36 vjeç dhe E.Sh, 40 vjeç, të gjithë banues në Peshkopi.
Gjithashtu u shpall në kërkim T. T., 23 vjeç.
Arrestimi ndodhi në një lokal në qytetin e Peshkopisë, ku gjatë kontrollit Policia gjeti një sasi dozash me kokainë dhe 500 doza cannabis.
Policia sekuestroi 2 automjetet dhe 8 aparate celular, që përdornin të arrestuarit. Ata akuzohen për veprën penale “Prodhimi dhe shitja e narkotikëve” kryer në bashkëpunim.
