Sistemit VAR pritet të aplikohet në Superioren shqiptare, që fillon në 11 shtator. Procesi ka mbërritur në fazën finale, ndërsa ishte i ndarë në tre të tilla.
Në fazën e parë janë zhvilluar seminarët teorikë me arbitrat ku u prezantuan me teknollogjinë, u dhanë informacionet mbi mënyrat e përdorimit të aparaturave për të gjithë stafin teknik dhe atë të arbitrave. Seminaret janë udhëhequr nga Aleksandër Papin, përfaqësues i kompanisë EVS dhe Mike Van Der Roest, udhëheqës i projektit VAR në FIFA.
Në fazën e dytë janë zhvilluar trajnime me raste konkrete nga lektorë të FIFA-s dhe IFAB, ku vetë Drejtori Teknik David Elleray, mbërriti në FSHF dhe shpjegoi në detaje rastet e prekjes së topit me dorë në zonë, ndryshimet e reja të rregullave të lojës si edhe u ndal te protokolli i sistemit VAR përsa i përket vendimarrjes në fushë, ku janë përdorur edhe situata të shkëputura nga sfida të ndryshme kombëtare dhe ndërkombëtare.
Faza e tretë dhe e fundit, e cila po aplikohet aktualisht, është trajnimi në fushë, me ndeshje të vërteta dhe në stadium ku transmetimit televiziv i bashkangjitet edhe Sistemi VAR, në të cilat arbitrat veprojnë si në ndeshje të vërteta, ku në rast vendimesh të dyshimta komunikojnë me VAR dhe kërkojnë ndërhyrjen e tij.
Training on side (trajnimi në fushë) është një proces ku secili i arbitër do të duhet të drejtojë sëpaku 4 ndeshje me VAR përpara se të ҫertifikohet për përdorimin e tij. Pas ndeshjeve që janë zhvilluar dje në mbrëmje dhe sot paradite në stadiumin “Selman Stërmasi”, në mbrëmje ndeshja Teuta-Shamrock Rovers do të jetë me VAR Offline.
