Një ngjarje e pabesueshme ka ndodhur në një maternitet të njohur shtetëror në Athinë, ku një nënë 45-vjeçare e dy fëmijëve, të moshës 4 dhe 10 vjeç, nga martesat e mëparshme, rrëmbeu një të porsalindur.
Mediat vendase raportojnë se ajo e mbështolli me një triko dhe u largua me një taksi për t’ia prezantuar partnerit të saj të ri si fëmijën e saj, pasi ishte shtatzënë dhe abortoi, megjithatë ajo vazhdoi të pretendonte se ishte shtatzënë për muaj të tërë, duke mos dashur t’ia zbulonte këtë partnerit të saj.
Dy muaj pas lajmit të shtatzënisë, ajo abortoi, por në fakt ajo e fshehu prej tij “duke paraqitur një imazh të një gruaje në gjendje shtatzënie, pasi ishte mbipeshë dhe duke i treguar atij një sërë ekzaminimesh mjekësore të rreme, të cilat kishin të bënin me shtatzëninë e një femre tjetër “.
Në të njëjtën kohë, një grua 28-vjeçare me origjinë shqiptare lindi fëmijën e saj të dytë (10.30 të mëngjesit) dhe u dërgua në një dhomë të trefishtë në katin e parë të maternitetit.Menjëherë pas kësaj, ata sollën pranë saj vajzën e porsalindur, pasi ky maternitet ndjek metodën e qëndrimit të të porsalindurve pranë nënave të tyre (dhoma, sipas termit ndërkombëtar). Foshnja ishte në shtratin e parë nga dera e përparme e dhomës, ndërsa është rrëmbyer nga grekja.
