Detaje të reja kanë dalë në lidhje me të shtënat që ndodhën më datë 10 gusht në Gallipoli, ku 21-vjeçari, me origjinë shqiptare, Ibrahim Rudi, u ndalua nga karabinierët pasi kishte qëlluar 18 herë me automatik kundër ish-të dashurës së tij dhe një grupi prej katër personash, përfshirë motrën e vajzës.
“Unë nuk gjuajta për t’i vrarë, thjesht doja t’i trembja”- mësohet të ketë thënë mbrëmë para hetuesve Rudi.
Më tej ai shtoi se me atë veprim të tijin donte të frikësonte vetëm dy djem të grupit, njëri prej të cilëve dyshohet se ka lidhje me ish të dashurën e tij.
“Nëse do të kisha dashur të lëndoja dikë, nuk do të kisha qëlluar nga krahu siç bëra” – raportohet të ketë thënë ndër të tjera 21 vjeçari.
Por prokurorja këmbëngul se i riu qëlloi për të vrarë, ndryshe nuk do të kishte shtënë 18 herë në ajër.
