Një aksident gjatë punës ka rezultuar fatal për një 34-vjeçar shqiptar në Empoli, Itali. Mediat italiane raportojnë se punëtori shqiptar u rrëzua pasditen e sotme nga kati i dytë i një ndërtese ku po punonte dhe për pasojë humbi jetën.
Trupi u transferua në Institutin e Mjekësisë Ligjore në Careggi (Firence) në dispozicion të prokurorit për obduksion. Policia po heton në lidhje me ngjarjen për të sqaruar nëse kishte persona të tjerë në momentin e aksidentit dhe nëse ai punonte në shtëpi në mënyrë të rregullt.
Hetimet e policisë për vdekjen e 34-vjeçarit vazhdojnë duke marrë parasysh disa hipoteza, nga aksidenti në punë gjatë rinovimit të banesës, deri tek një vetëvrasje e mundshme siç u tha në fillim.
