Një stuhi e pazakontë ka përfshirë fshatin Semetisht në Suharekë, të Kosovës. Reshjet e shiut dhe erëra e fortë kanë shkaktuar edhe probleme në rrjetin elektrik.
Kryetari i Suharekës, Bali Muharremaj përmes një postimi në Facebook, ka bërë të ditur se në këtë fshat si pasojë e erës së fortë janë rrëzuar shtyllat elektrike.
Ai ka thënë se ekipet emergjente gjenden në terren.
“Era e fortë dhe shiu i ka dëmtuar shtyllat elektrike në fshatin Semetisht. Ekipet emergjente kanë dal në teren dhe po e vlerësojnë situatën. Apeloj që në teren ta vlerësojnë dëmin edhe ekipet e KEDS-it”, ka shkruar Muharremaj.
