Epidemiologu Taulant Muka, në një intervistë për moderatoren Armela Ferko, në Syri Tv, foli për variantin Delta, duke thënë se qeveria duhet të jetë transparente ndaj qytetarëve.
Muka theksoi se duhet që të mbrohen grupet e shoqërisë, që janë më të rrezikuara.
“Edhe në rastin e Deltas, grup-moshat më të rrezikuara janë po ata që mund të preken nga Covid. Për koronavirusin, nuk ka transparencë. Shenjat për Deltan, janë të ndryshme, në varësi të pacientit. Qeveria duhet të jetë më transparente. Riinfektimi pas vaksinimit jep simpatoma të lehta.
Nuk duhet të prekemi nga paniku, por të jemi vigjilentë së tepërmi. Ne nuk mbrojmë grupet e rrezikuara. Duhet parë nëse në spitale respektohen masat ndaj koronavirusit dhe jo spitalet të kthehen në burime të infeksionit, sepse aty ka pacientë”, u shpreh Muka.
