Çuditë shqiptare nuk kanë fund.
Zbatimi i ligjit nga ana e një drejtuesi policie, i ka kushtuar këtij të fundit vendin e punës.
Burime nga policia e Vlorës kanë bërë me dije se shefi i Komisaritatit të Policisë së Himarës është larguar nga ky post pasi ka ‘shkelur’ në dërrasë të kalbur.
Ai ka gjobitur për muzik të lartë lokalin e një personi që prezantohet si ‘dhendri’ i Petro Koçit në Himarë.
Të gjitha lokalet e tjera janë nën terror policor përveç lokalit të personit në fjale që ndjehet si personi më i pushtetshëm në Himare pas Ramës.
Ky i fundit ka angazhuar policinë në ekstrem që asnjë dron të mos ngrihet në bregun e Dhërmiut, Himarës e Jalës, pasi mund te filmojne pushimet ‘private’ të Rames dhe miqëve të tij që e vizitojnë çdo ditë.
Këto kohë Dhërmiu, Himara dhe Jala, janë bërë ‘prona’ e mazhorances.
Të gjithë janë atje me pushime, rreth Ramës, në pritje të ndonjë telefonate prej tij. /Syri/
