Dita e gjashtë e grevës në Lumas/ Dërgohet me urgjencë në spital një prej grevistëve

Grevisti Ylmi Shuaipi është dërguar me urgjencë drejt Spitalit Rajonal të Beratit, raporton BalkanWeb.

Prej gjashtë ditësh, 5 banorë të fshatit Lumas, janë ngujuar në një godinë përballë zyrave të ish-komunës. Vetë grevistët kanë deklaruar se edhe pse janë të sëmurë dhe gjendja e tyre shëndetësore po përkeqësohet, ata nuk do ta ndalin për asnjë moment grevën e urisë.

Kujtojmë se banorët e Lumasit kanë vijuar për çdo ditë protestat e tyre në kanionin e Sinecit. Beteja për ujin e burimit të Sinecit vazhdon prej 4-muajsh, duke u shoqëruar me përplasje të vazhdueshme mes banorëve me firmën dhe policinë.