Zjarri i shkaktuar nga një prej kondicionerëve në një prej lokaleve të Lapardhasë në Berat, ku do të niste një dasëm, ka detzruar dasmorët të dalin jashtë me urgjencë.
Kondicioneri i lokalit është përfshirë nga flakët e zjarrit dhe tymi është përhapur në të gjithë ambjentin. Sapo kanë parë flakët dasmorët janë tmerruar dhe kanë dalë të gjithë me vrap jashtë lokalit.
Në vendngjarje kanë shkuar forcat zjarrëfikëse të Beratit,që kanë bërë të mundur fikjen e zjarrit që po përhapej edhe në perdet e dritareve.
Ndërkohë që zjarri është fikur dhe burime të zjarrëfikësve në vendngjarje bëjme me dije se zjarri mund të jetë shkaktuar nga një shkëndijë elektrike.
