Aktori i famshëm shqiptar i kërkon divorcin bashkëshortes pas 23 vitesh martesë

Aktori i famshëm me origjinë shqiptare, Jim Belushi, ka bërë kërkesë për divorc nga bashkëshortja.

Ylli 67-vjeçar i kinematogrtafisë po ndahet nga gruaja e tij Jennifer Sloan pas më shumë se 23 vitesh martesë. Kjo është hera e dytë brenda 3 viteve që çifti po tenton të ndahet.

Të Premten, Belushi paraqiti dokumente në Gjykatën Superiore të Qarkut Los Angeles, sipas TMZ.

Kujtojmë se kjo është martesa e tretë për Belushin. Ai ishte martuar më parë me Sandra Davenport, me të cilën ka një djalë të rritur, Robert James. Ai kishte një martesë dy vjeçare me Marjorie Bransfield para se të martohej me aktoren Jennifer Sloan në 1998. Së bashku ata kanë vajzën Jamison, 22 vjeç dhe djalin Jared, 19 vjeç.