KKryebashkiaku i Kukësit, Safet Gjici, duket se është rebeluar disi ndaj Kryeministrit Edi Rama, lidhur me situatën e zjarreve, por edhe emergjencave natyrore në tërësi.
Madje Gjici i ka treguar Ramës edhe se çfarë duhet të bëjë, duke propozuar hartimin e planeve konkrete nga Qeveria, në situata të tilla.
Duke folur për situatën e zjarreve, Gjici tha se nga 20 vatra, 18 janë shuar, por problemi është se janë në punë vetëm dy zjarrfikëse.
“Ka ardhur koha që Qeveria të hartojë plane konkrete për rritjen e kapaciteteve dhe infrastrukturës së shërbimit zjarrfikës”, u shpreh Gjici.
Nuk është hera e parë që Kryebashkiaku i Kukësit tërheq vëmendjen me deklarata që thumbojnë Ramën, por pas disa ditësh ai pendohet, duke mos i qëndruar asnjëherë versionit të parë. Nuk dihet nëse nesër ose pas disa ditësh, Gjici do i qëndrojë këtij versioni që u shpreh sot, por të paktën ditën e sotme, datë 8 gusht, Gjici i tregoi Ramës se çfarë duhet të bëjë dhe si duhet të punojë.
