Ndërsa situata me zjarret në vend vijon të mbetet proplematike, Ministri i Mbrojtjes Niko Peleshi katër orë më parë u rrek të paraqiste një panoramë të qetë dhe jo problematike.
Ai, me anë të një njoftimi në faqen Facebook, (kujtojmë se e gjithë propaganda bëhet në Facebook), deklaroi se gjithçka është e qetë në Dukat.
Peleshi tha se forcat operacionale janë në terren dhe kanë vënë flakët në kontroll.
Poe vetëm pak minuta më vonë gënjeshtra e Peleshit doli në ditë.
Ishin banorët ata që nxorrë në pah edhe gënjeshtrat e ministrit të Mbrojtjes.
Videot dhe fotot e publikuara në rrjetet sociale si dhe ato të dërguara në media treguan se flakët në zonën e Dukatit, jo vetëm nuk ishin normalizuar, por ato kishin marrë përmasa edhe më të mëdha.
Banorët me mjete rrethanore u munduan të shuajnë vatrat e zjarrit që të ndihmuara edhe nga era morën përmasa të mëdha.
U deshën njoftimetr dhe videot e banorëve që Peleshi të përgënjeshtronte veten, pak orë pasi nxorri deklarataën e parë
Kjo më poshtë është deklarata e parë
Situata e zjarrit në Dukat është përmirësuar, por puna e forcave operacionale po vijon për mbajtjen nën kontroll të flakëve nga toka.
E vështirë paraqitet situata në fshatin Thirrë, në bashkinë Mirditë, ku zjarri ka përparuar duke u futur në zonë me dendësi pyjore. Aty forcat po punojnë për të ndërprerë vijën e zjarrit në afërsi të rrugës së fshatit. Në varësi të situatës mund të parashikohet edhe ndërhyrje nga ajri.
Vatra e zjarrit në fshatin Munellë-Domgjon, në Fan të Mirditës është izoluar në njërën anë, por ka përhapje në pjesën e sipërme, ku ndërhyrja bëhet e vështirë.
Edhe në Kukës në Majën e Rrunës, ndërhyrja është e vështirë për shkak të terrenit, por situata po mbahet nën kontroll, në mënyrë që të mos ketë përhapje.
Ndërsa kjo është deklarata e dytë e publikuar në Facebook vetëm 37 minuta më parë, katër orë pas të parës.
Këtë radhë Peleshi shumë shkurt thotë se janë 7 vatra zjarri dhe në Dukat gjendja paraqitet serioze.
Në të gjithë vendin janë aktive 7 vatra zjarri. Në Dukat situata është kritike, pasi era ka ndikuar në përhapjen e flakëve, duke shtuar intensitetin e tyre. Rreth 200 trupa nga Forcat e Armatosura janë në gatishmëri për të bërë të mundur izolimin e zjarrit. Ndërsa vijon po ashtu puna për shuarjen përfundimtare të flakëve në Gjirin e Gramës.
