Synimi i Leo Messit ishte të rinovonte për Barcelonën, por gjithçka shkoi keq në orët e fundit teksa 1 ditë më parë klubi spanjoll njoftoi largimin e argjentinasit.
Gazetari spanjoll, David Bernabeu, i cili u nis menjëherë për tek shtëpia e “Pleshtit” pas lajmit për largimin e tij, zbuloi se Jorge Messi, babai i sulmuesit argjentinas ka hedhur akuza të forta ndaj drejtuesve të klubit duke thënë se “është mirë për Barçën që ne të mos vazhdojmë” dhe se ata po derdhin “lot krokodili”.
Sipas gazetarit të Deportes Cuarto, David Bernabeu, babai i Messit nuk ishte i befasuar me lajmin që djali i tij nuk ka vazhduar me klubin.
Messi ka qenë pjesë e Barcelonës për 21 vite. “Pleshti” i qëndroi besnik klubit që e rriti si futbollist në momentet më të vështira, por deklarata zyrtare e Barçës mbrëmjen e djeshme nuk i ka pëlqyer aspak Messit dhe njerëzve pranë tij.
