Policia e Tiranës ka dhënë detaje për plagosjen me thikë të ndodhur mbrëmjen e djeshme në rrugën “Jordan Misja” në Tiranë.
Uniformat blu bëjnë me dije se janë shpallur në kërkim autorët e dyshuar për plagosjen me thikë të 24 vjeçarit A.K, i cili si pasojë e plagëve të marra u transportua në spital.
Në kërkim janë shpallur 23-vjeçari K.Rr., 24-vjeçari Gj.Rr., dhe 22-vjeçari E.S.
Ndërkohë materialet i kaluan Prokurorisë së Rrethit Gjyqësor Tiranë, për veprime të mëtejshme.
Informacion-Nga specialistët për Hetimin e Krimit në Komisariatin e Policisë Nr. 3, u bë shpallja në kërkim e shtetasve: K. Rr., 23 vjeç, Gj. Rr., 24 vjeç dhe E. S., 22 vjeç. Këta 3 shtetas dyshohen si autorët e ngjarjes së djeshme, në rrugën “Jordan Misja”, ku u dëmtua lehtë shtetasi A. K., 23 vjeç, i cili ndodhet në spital, jashtë rrezikut për jetën.
