Ish-Kryeministri Sali Berisha u tregua sot i drejtëpërdrejtë dhe i prerë në konferencën e tij për mediat, duke mbzllur çdo aludim se mund të tërhiqej nga mandati i deputetit, pas paralajmërimit apo kërcënimeve të Ambasadores amerikane Yuri Kim, që insiston në një vendimmarrje për largimin e Berishës nga salla e Parlamentit.
Berisha u shpreh se asnjë institucion, asnjë Kryetar partie, apo njeri mbi tokë nuk mund ta detyrojë që të mos përmbushë vullnetin e zgjedhësve shqiptarë që e kanë votuar, duke kujtuar se është politikani më i votuar në vend në 30 vitet e pluralizmit shqiptar.
Madje ish-Kryeministri ka mbyllur çdo debat lidhur me pikëpyetjet nëse do të zgjidhte të ishte një deputet i pavarur, pra të mos ishte pjesë e Grupit Parlamentar të PD.
“Unë jam deputet i PD dhe në çdo moment do të bëjë aleancë me çdo demokrat nëse do të ketë një vendimmarrje për largimin tim nga grupi”, paralajmëroi Berisha, duke përcjellë një mesazh të qartë, ndoshta ndaj zërave që në media kanë hedhur idenë se ai duhej të distancohej nga Partia Demokratike. Dhe në këtë kuadër, Berisha kujtoi edhe njëherë deklaratën se sikur edhe 1 anëtar të mbetej në PD, ky do të ishte ai.
Duke bërë një lidhje me paralajmërimeve të ambasadores Kim, e cila nga shkallët e godinës së PD, tha se “dmeokratët nuk duhet të hanë bar”, Berisha në përgjigjen e tij u shpreh se “deputetët duhet të kërkojnë fakte dhe prova mbi vendimin e marrë, në mënyrë që ata nesër mos hanë bar”.
Ky ishte një tjetër mesazh që ish-Kryeministri ia ka përcjellë duket në distancë deputetëve demokratë, edhe pse shumica e tyre nuk kanë preferuar të komentojnë dhe as të bëhen pjesë e një debati pas paralajmërimeve të diplomates amertikane.
“S’kam asnjë informacion konkret, në këtë betejë unë kam një të vërtetë dhe unë po përpiqem ta bëj pa kërkuar. S’kërkoj unë ndryshimin e vendimit, ai është i zoti i shtëpisë për këtë çështje dhe të përcaktojë kush do hyjë dhe kush jo në shtëpinë e tij, por nga ana tjetër çdo njeri ka natyrë qytetare të kërkojë fakte, dokumente, prova. Ata që se bëjnë këtë kanë probleme me veten e tyre. Ju keni parë një hordhi hajdutësh duke vrapuar në studio, Eureca Eureca duke menduar se shpëtuan nga denoncimet e Berishës. Kërkoni një fakt që nesër të mos hani bar dhe të mos ua servirë kush barin”, tha Berisha.
Gjithashtu Berisha u tregua i prerë në qëndrimin e tij kur tha se “vendimi për ta shpallur non grata nuk ka prova dhe fakte”, madje zbardhi detaje edhe nga biseda mes kreut demokrat Lulzim Basha dhe diplomates amerikane, kur tha se “z. Basha i ka kërkuar znj. Kim fakte dhe prova, dhe ajo i ka thënë i kemi po nuk i bëjmë publike”.
