Ish-Kryeministri Sali Berisha u shpreh se askush nuk mund t´a ndalojë që të futet në Parlament në sesionin e ri parlamentar.
Berisha tha se asnjë institucion nuk ka tagrin për të penguar hyrjen e tij si deputet, me përjashtim të zgjedhësve shqiptarë.
“Të vetmit që mund të pengojnë hyrjen time në Parlament janë qytetarët shqiptarë që më kanë votuar”, tha Berisha.
Ai tha se nuk ka ndërmend të marrë kompani lobimi lidhur me ndryshimin e vendimit për shpalljen non grata të tij nga DASH.
Gjithashtu kreu demokrat u shpreh kundër një bashkëqeverisjeje mes PD dhe PS, sikundër e sugjeroi ambasadorja amerikane Yuri Kim, përmes një shkrimi.