Ish-kryeministri Sali Berisha deklaroi se ish-ambasadori amerikan, Donald Lu, i ka dërguar në zyrë “dosjen për lobimin rus” të Lulzim Bashës në Shtetet e Bashkuara të Amerikës.
Sipas Berishës, dosja e Lu ishte e mbështetur kryesisht në shkrimet e revistës amerikane “Mother Jones”, e cila njihet se financohet nga fondacioni “Soros”.
“Kur ma solli Donald Lu, për të më bindur se Lulzim Basha kishte përdorur fonde ruse për të lobuar në Shtetet e Bashkuara të Amerikës, kur e pashë që ishin shkrime të sajuara nga një gazetar i “Mother Jones”, i thashë që “Këto janë shkrime të Mother George”, duke iu referuar Xhorxh Sorosit”, deklaroi Berisha.
Për këtë episod, Berisha shtoi se Donald Lu, në biseda me deputetë demokratë në atë kohë, u thoshte se e kishte dorëzuar dosjen me fakte për “lobimin rus” tek zyra e tij.
Por, siç deklaroi ish-kryeministri, kam sqaruar deputetët demokratë se ato që konsideroheshin fakte, ishin thjesht disa shkrime të gazetës së financuar nga Xhorxh Soros, pa asnjë provë.