Vijon situata alarmante e zjarreve në Vlorë. Situata në fshatin Gjormë ka agravuar dhe deri më tani janë shkrumbuar 5 banesa.
Nuk dihet ende nëse ka të lënduar pasi në vendngjarje shihet edhe një ambulancë.
Zjarri fillimisht nisi në lagjen Neshtë dhe më pas u përhap në anën tjetër të lumit. Banorët janë larguar vetë nga banesat dhe askush nuk ka marrë masa për evakuimin e tyre.
Pas lajmit të dhënë nga Boldnews.al, drejt fshatit Gjormë të Vlorës është nisur helikopteri, pasi flakët kanë dalë jashtë kontrollit.
Zjarrfikëset po ndërhyjnë me pompa krahu dhe nuk dihet se a do të mund të neutralizohet situata.
