Ish-Kryeministri Sali Berisha deklaroi sot se reforma në drejtësi ka dështuar, pavarësisht se ambasadorja Yuri Kim po përpiqet të promovojë si sukses reformën e George Soros.
Berisha deklaroi se anëtarët e Gjykatës së Lartë janë të kapur, ndaj dhe ata pranojnë një marrëveshje anti-Kushtetuese, që dosjet e mbetura stok në këtë gjykatë të trajtohen sipas modelit të propozuar nga Delina Fico.
“E keni dëgjuar ju nëse Sadushit të Gjykatës së Lartë i është bërë Vetting? Po i është bërë, por e mbajnë të fshehur.
I bënë vetting Edlira Petros dhe dolën parregullsi me pasurinë. I doli pasuria 20 mijë euro nga gjyshja, ndërkohë që një gjyqtare u largua se kishte marrë një dhuratë të vogël. Po Sokol Sadushit që iu zgjua gjyshja me 20 mijë euro pasuri dhuratë për Sokolin”, tha Berisha. Sipas tij, probleme me vetting ka edhe ish-ministri Ilir Panda, të cilit po iu publikuan të dhënat, ikën.
“Gjykatësi tjetër Pupo, ku e ka vettingun? Këta janë të kapur, ndaj dhe pranuan në heshtje që dosjet ti marrin militantët që do të zgjedhë Delina Fico, ish-gruaja e Edi Ramës dhe gruaja e Bled Çuçit”, tha Berisha.