Foto vërtet të veçanta, ku një harabel i vogël duket sikur po bën shëtitje mbi një shqiponjë, u kapën nga Guilong Charles Cheng, në Masaçusets, SHBA. Fotografi amator ishte duke shëtitur në pyjet e zonës kur pa një shqiponjë të vogël që ndaloi në një pemë ku ishin mbledhur një grup harabelash.
43-vjeçari shpjegoi se ata nisën ta sulmonin shqiponjën dhe pasi ajo u largua, njëri prej tyre, më guximtari, e ndoqi nga pas. Në atë moment ai realizoi edhe fotot e rralla. “Harabeli nuk dukej aspak i frikësuar nga shqiponja, madje po e sulmonte. Gjithçka ndodhi për pak sekonda, por arrita t’i bëj të përjetshme”, tha Cheng.
